شيخ حارتنـــا

كنت مروح ذي العادة على بيتنا
فجأة لقيت شيخ حارتنا
قاعد بالكرسي على ناصية شارعنا
سلمت عليه وقعدت مع شوية مهو شيخنا وراجل أصيل وكله حنية

قلتله حكيني يا شيخنا على ناس زمان رد وقالي ياريت أرجع للي كان
قلتله شوقتنا يا شيخنا أحكيلي على أيام زمان
قلي كنا زمان رجاله مع بعض في الشدة واقفين
عن حرمتنا بنحارب ومدفعين
ندافع عنها بكل حاجه علشان نعيش مرتحين
مر الزمان وأًصبحنا بفكرنا محتلين

وبقينا نستورد من الغرب حتى أفكارنا
ونسينا عادتنا وتقاليدنا الي بقالهم سنين
دا يقلم لجو جديد ودا مود تعبان
دا مستورد من اليابان ودا لابس من الصين

ولا تعرف حبيبك من عدوك
وأخوك نايم مرتاح وهو واكل حقك
ويقولوا من الفقر خلاص فطسنا
مهما أصلهم بعدوا عن ربنا

ويقلك الدعم زاد في التموين
علشان نبقى مرتاحين ومنولعش في نفسينا ببنزين
مهو الرغيف ذي ما هو والي مش عجبه يشتكي النصابين
والي يقلك أروح أشتكي لمين ولا لمين
محنا عايشين في بيوتنا ومستورين

حقك وحقي كلوا المعلمين
وعليه العوض ومنه العوض محنا تايهين
الناس بقيت في دوامه أسمها الدنيا
ونسيت حق ربنا الي خلقنا

يابني قول يارب مهو رب العباد
يسترها علينا وعلى كل العباد
قلت يارب سعتها ودعيته يفرجها
أما بقى شيخنا ربنا يديلوا الصحه
وعلى طول يقلي كل يوم حكمه