قهوة سادة
صحيت على صوت
أقرأ الخبر
دستور جديد لبلدنا
اشتريت الجرنال
وعملت قهوة سادة
وبقرأ الخبر
دستور يا شعب دستور
(لقد تقرر تعديل الدستور)
ويا شعب خليكم سامعين
أحنا بنعدل المادة 76
واللي عنده اعتراض
يتفضل عندنا
يشرب قهوة ويناقشنا
وإذا اختلافنا ومش اتفقنا
هانفذ بردو تعديلنا
نص التعديل
إذا أراد واحد من الشعب
ترشيح نفسه
وليس غيره
لانتخابات رئاسة الجمهورية
و شايف نفسه قد المسئولية
عليه ان يأتي على الأقل
بـ 500صوت
بعد ان كان 250
فاهمين يا شعب فاهمين
صوت مسموع
من الناس التقيله
مش أبو كرسي مخلوع
وهذا كان الموضوع
بخبر تعديل الدستور
وبشرب القهوة السادة
ولاقيت خبر تاني
قولت يلا بزيادة
البرادعي يرشح نفسه
وموسى يرشح نفسه
لانتخابات الرئاسة
كانت واخده أجازة
قفلت صفحة السياسة
أصل أنا مليش في السياسة
ومش بشارك
في انتخاب الرئاسة
شربت قهوة سادة
وبكمل قراءة
الوزير يسب الدين
علشان ناس طامعين
بنوا أرض وباعوها
وأصدرت الحكومة
قرار وهدوها
ربنا يسمحك يا وزير
في أقوى من الكل
ربنا ينصر كل فقير
كملت القهوة السادة
happy new year
بداية 2010
عام جديد
عام سعيد
خلصت القهوة السادة
ويا ترى السنه الجديده
هانشرب قهوة سادة
ولا زيادة
مش بقيت فرقه
بلاش كئابة
بإذن الله