لـــسهـ صغيره

لســــــــــــــه صغيره

فترة طفوله
أتذكر فيها طفولة بريئه
كان عنوانها الحقيقه
وضحكة ولعبه وابتسامه
حبيت أطل من البلكونه
بصيت في الدنيا
ولا فهمت هي ايه

منعوني وقالوا لسه صغيره
بكيت وجريت عليه
وشكيت ليها
طبطبت عليا بحنيه
وقالت لسه صغيره
دي أمي الحنونه
لكن شكلي كنت لسه صغيره

ولما كبرت شويه
حبيت أطل للدنيا تاني
نصحتني أخد بالي
لكن المرادي مش زي كل مره
بصيت للدنيا من البلكونه
عجبتني نزلت اشوفها
مشيت فيها
قابلت كتير ماشيين
في سكه بيقولوا عاشقيين
وسكه تاني تايهين
وسكه فيها تروح مع بنآدمين
وسكك كتير ملهاش عنوان
أولها ورده مقطوفه
وأخرها ايد مجروحه
وسكه بيقولوا دنيا
بتلف وترجع في ثانيه
قلت أزاي في ثانيه
ردوا وقالوا لسه صغيره
ولا قيت سكه جميله
عنوانها فرحه
قلت أكيد أجمل سكه
لاقيت اخرتها فرقه
وعين تبكي ودموع نزله

خفت رجعت تاني
لكن للأسف توهت عن عنواني
صرخت بصوت عالي
فينك يا نبع وجداني
لاقيتها جي من بعيد
فاتحه اديها بتجري
بتقلي مش قلتلك خلي بالك
تعالي يا عيوني في احضاني
ورجعت بيتنا من تاني
وقفلت باب البلكونه
وفضلت جنب أمي
ما هي حبي وورحي ووجداني